KORONADAL CITY – Makaangkon gid sang win win solution ang Kamara kag Senado sa ginaduso nga pag-amiyendar sang Konstitusyon.
Ini ang pagpati ni Deputy Speaker for Mindanao kag South Cotabato 2nd District Congressman Ferdinand Hernandez sa interbyu sang Bombo Radyo Koronadal.
Suno kay Hernandez, apisar nga suportado sang super majority sa Kamara ang Constituent Assembly kag ang ginaduso naman sang Senado ang separate voting angot sa padayon nga pagtalakay sang Charter Change (Cha-cha), publiko sa gihapon ang mangin prioridad.
Ginpasiguro man sang kongresista nga indi pangkaugalingon nga probisyon ang resolusyon nga gin-aprubahan sang Kamara.
Samtang, ginpanginwala man ni Hernandez ang akusasyon nga nagpanghadlok si House Speaker Pantaleon Alvarez nga “zero budget” para sa mga LGU nga ang ila lider indi magasaylo sa Partido Demokratiko Pilipino-Lakas ng Bayan (PDP-Laban).
