-- ADVERTISEMENT --
Nanawagan si World Health Organization (WHO) chief Tedros Adhanom Ghebreyesus nga buligan nga mabakwit ang halos 15,000 ka mga pasyente halin sa Gaza.
Ang mga pasyente nga ini nagakinahanglan sang madali nga medical nga atensyon nga wala na makit-an sa Gaza.
Ginhimo niya ang panawagan matapos ang pagpabakwit sang WHO sa 32 ka mga bata kag 6 ka mga may edad upod ang 99 ka iban pa nga ipa-ospital sa iban nga pungsod pareho sang Italy, Belgium, kag Turkiye.
Ginhangyo man sang WHO chief ang mga pungsod nga magbaton sang mga pasyente samtang ginpanawagan man nga dapat mabuksan na ang iban nga mga ruta sa West Bank, lakip na ang East Jerusalem.
