White Christmas sang South Cotabato, agaw atensiyon, gindagsa sang mga turista

KORONADAL CITY- Nagsugod na sa pagdagsa ang mga tawo sa Provincial capitol sang South Cotabato bangud sa agaw atensiyon nga dekorasyon sini.

Kun diin makit-an ang puti nga Christmas decorations bangud sa Winter Wonderland theme subong nga tuig.

Una diri, ginpahayag sa Bombo Radyo ni Provincial General Services Officer Marlyn Almaden nga indi man tuman ka dako ang ila nga nagasto bangud gin-recycle lamang ang iban nga dekorasyon sini nga tuig.

Dugang pa sini, makakilibot man ang pagdagsa sang mga tawo indi lamang gikan sa South Cotabato apang mangin sa kaiping nga probinsya bangud indi na kinahanglan nga magpadulong sa iban nga lugar agud nga maeksperiensiyahan ang nasambit nga white Christmas.