KORONADAL CITY – Ginpasiguro sang Western Mindanao Command nga nakahanda sila sa anuman nga pamahog sang mga terror groups nga magatuga sang kalakasan kadungan sa pagtakop sang Ramadan.
Suno kay Wesmincom spokesperson Major Arvin Encinas sa interbyu sang Bombo Radyo Koronadal, ila pa nga ginpahugot ang ila seguridad kag mas madamo nga patrol ang ila gindeploy agud masiguro ang malinong nga pagtakop sang Ramadan.
Gin-ako man sini nga tuman suno pa ka-challenging ang ila ginapangatubang subong bangud magluwas sa pamahog sang covid-19, yara man ang mga kasumpong kag terror groups nga nakapalibot sa ila nasakupan kasubong sang Abu Sayyaf, BIFF, Dawlah Islamiyah, kag iban pa.
Samtang nagapakigbuylog sila sa mga kautoran naton nga Muslim sa ila pagsaulog sang Eid’l Fitr nga natalana sa Dominggo, Mayo 24.
