Ang paghaboy sang wedding bouquet ang isa ka tradisyon sa kasal nga nagsugod sa United Kingdom sang 1800s kag nangin popular sa bilog nga kalibutan.
Pagkatapos sang kasal, nagapila ang mga single nga babayi kag patalikod nga ginahaboy sang bride ang wedding bouquet.
Ang siling nila, ang sin-o man nga makasalo amo ang masunod nga kaslon.
Sa Bosnia, nangin mitsa sang rambol ang paghaboy sang bride sang iya bouquet.
Sa report sang entertainment news website nga What’s the Jam, nangin competitive ang mga single agud nga makuha ang wedding bouquet kag apisar nga may nakakuha na, may naga-agaw pa.
Nagpamikon ang mga ini kag nagresulta sa pagpisikalanay.
Wala sang may nahimo ang bride, mangin ang mga bisita kag disc jockey.
Sa video nga gin-post online, indi klaro kun sin-o ang nakakuha sang bouquet.
Ini ang nag-ani sang negatibo nga komento nagikan sa netizens.
