KORONADAL CITY- Sa presuhan ang ginpadulungan sang 4 nga mga myembro sang isa ka watchlisted drug group sa probinsya sang North Cotabato makaligad mabalabagan sang gintingob pwersa nga Philippine Drug Enforcement Agency ARMM, PDEA region office 12, 46 MICO, 6MIB, 602nd Brigade Charlie Company kag Carmen Municipal Police Station sa Charlie Company checkpoint sa Brgy. General Luna, Carmen, North Cotabato.
Ang mga suspek amuh sanday Alfaisal Ambalgan Amiril alias Pai, Rasol Katog Karim, Sandato Andal Madsay alias Loy kag Basco Asib Madsay nga mga myembro sang drug group nga nagasuplay sang shabu sa Cotabato City, Maguindanao kag North Cotabato kun sa diin plano kun tani nila nga magbaligya sang iligal nga droga.
Sa operasyon, nakuha sa posisyon sang mga ini ang 1 medium transparent plastic sachet sang shabu nga may kabug-aton nga 20 grams kag may estimated value nga P100,000, 3 ka cellphone nga gina usar sang mga ini sa ila transaksyon.
Natukiban man man sa salakyan sang mga suspek ang nagkalain-lain nga mga dokumento kag mga ID nga gina-usar sang mga ini agud nga makalusot sa ila transaksyon.
Dugang pa nga nagasuplay man ang mga ini sang iligal nga droga sa pila ka mga rebelde nga Bangsamoro Islamic Freedom Fighters (BIFF) base naman sa baslanay sang text sa nakumpiskar nga mga cellphone.
Kaangot sini, pagasang-atan naman sang kaso nga paglapas sa RA 9165 ukon Comprehensive Dangerous Drugs Act of 2002 ang mga nadakpan kun sa diin sa subong nakapreso na ini sa PDEA ARMM Detention Facility.
