Pagahimuan na sang aksyon sang Alkalde sang Norala ang nadawat sini nga reklamo gikan sa mga reklamante sang Bo.3 sang norala kag Bo. 5 sang Sto. Nino, may kaantangan sa basura nga ginahaboy lang sa pribado nga lote malapit sa sapa.
Sa interbyu sang Bombo Radyo Koronadal kay Mayor Clemente Fedoc ginpahayag sini nga nagahimo siya sang tikang agud nga wala na madamo pa sang estorya magikan sa mga residente sang nasambit nga lugar.
Bangud sa wala ini sang proper disposal kag nagakabalaka sa mahimo madulot sini kag mangin epekto sa ikaayong lawas sang mga residente nga nagapuyo malapit sa lugar aksyunan ini sang opisyal.
Ginpahayag man sini nga pagalab-uton niya ang administrator sang hospital agud mapaathag ang nahitabo. Pagaaksiyunan naman suno pa nila kag igapasaylo sa sanitary landfill.
Dugang pa niya, gin-ako naman sang hospital nga sa isa ka private lot sila nagahaboy sang mga waste materials nga sakop sang Baryo 3, kag ini ginpahanugutan naman sang tag-iya, kag hindi suno pa ini sapaan.
Ginaplastar naman ang Sanitary Landfill kag sa karon padayon ini nga gina-construct kag kung mahuman didto na gid gilayon ibutang ang mga basura.
