KORONADAL CITY – Ginabulong na subong sa hospital ang isa sa mga most wanted sa listahan sang Koronadal City PNP kag CIDG makaligad ini nga magbato sa ginpatigayon nga pagserbe sang warrant of arrest sa iya sa siyudad sang Koronadal.
Ginkilala ni Police Chief Insp. Timothy Arciso, chief sang CIDG-South Cotabato ang suspek nga si Sales Batoctoy , may legal nga edad kag residente sang Purok Sto. Nino, Sitio Guadalupe, Barangay Carpenter Hill, Koronadal City
Suno kay Arciso, may standing warrant of arrest si Batoctoy sa kaso nga murder kag yara sa Top 3 most wanted list sang Koronadal City PNP.
Apang, sang ginhana na ini nga arestuhon sang mga otoridad, hinali na lamang nga nagbato kag nagpalupok sa sa mga miyembro sang operating team.
Matapos ang pila ka minuto nga kambyuhanay sang lupok, naigo si Batoctoy nga gilayon nga gindala sa Provicial Hospital apang ginsaylo sa isa ka pribado nga hospital.
Nakuha naman sa suspect ang gingamit sini nga caliver 30 M2 carbine nga armas luthang.
