Wanted sa patong-patong nga kaso, arestado

KORONADAL CITY– Yara na sa kustodiya sang Koronadal City PNP ang isa ka wanted person sa patong-patong nga kaso matapos maarestar sang kapulisan.

Ginkilala ang suspek kay Rosemarie Impienado Kawit, 30-anyos kag residente sang Purok Guanzon, Barangay Morales, Koronadal City.

Si Kawit ang nagapangatubang sa mga kaso nga estafa, arson, bigamy kag carnapping.

Magluwas sini, may 3 pa ka pending nga warrant of arrest ang suspek sa siyudad sang General Santos.

Nahibaluan nga si Kawit ang anay man nga ginreklamo sa Bombo Radyo Koronadal bangud sa modus sini nga magbulig sa pagproseso sa piyansa sang mga preso sa South Cotabato Provincial Jail usar ang mga peke nga dokumento.

Gilayon naman nga na-commit sa provincial jaila ng suspek.