-- ADVERTISEMENT --
KORONADAL CITY – Napreso na sa lock-up-cell sang Tampakan Municipal Police Station ang isa ka wanted person sa kaso nga homicide matapos maarestar sa panimalay sini sa Purok Rizal, Brgy. Kipalbig Tampakan, South Cotabato.
Ginkilala ni Police Major Jerald Gervacio, acting Chief of Police sang Tampakan Municipal Police Station, ang suspek nga si alyas “Mark”, 30 anyos kag residente sang nasambit nga lugar.
Wala naman nagbato ang suspek sang ginserbe sang kapulisan ang warrant of arrest batuk sa iya.
Ginpahayag naman sang kapulisan nga nangin madinalag-on ang operasyon bilang kabahin sa kampanya sang gobyerno batuk sa kriminalidad .
