Arestado sa General Santos City airport ang isa ka high-profile wanted nga suspek nga ginakabig nga imblobado sa serye sang robbery-holdup incidents sa banwa sang Banga kag Surallah, South Cotabato.
Ginkilala ang suspek sa kay alyas ” Barabas” , residente sang Surallah, South Coatabto.
Sa ginpatigayon nga operasyon upod nga pwersa sang PNP AVSU 12, SCPPO sa panguna ni PCOL Samuel T. Cadungon, upod ang SCPIU, Banga MPS, Surallah MPS, 1st kag 2nd SCPMFC, kag RID Tracker Team Bravo. Target sang operasyon ang suspek nga nakaplano unta magsakay sang Cebu Pacific Flight 5J992 padulong Manila agud magpalagyo.
Base sa mga awtoridad, nadakpan si Barabas pasado alas-4 sang hapon, Nobyembre 14, 2025, sa General Santos City Airport samtang nagaagi sa final security screening checkpoint sang amo nga airport.
Dugang pa diri, ginakabig man siya nga pangunahing suspek sa nagasunod-sunod nga robbery-holdup incidents sa Banga kag Surallah. Karon, yara siya sa kustodiya sang Surallah MPS samtang nagahulat sang pormal nga pagbabalik sang warrant sa korte.
Sa subong, yara na siya sa kustodiya sang kapulisan ang suspek para sa masunod nga imbestigasyon kag pagpasaka sang angay nga kaso.
