Naaresto sang kapulisan ang isa ka regional Most Wanted Person sa ginpatigayon nga operasyon sang mga otoridad sa Barangay Poblacion, Maasim, Sarangani Province.
Ginkilala ni Police Brigadier General Percival Augustus Placer, Regional Director sang PRO 12, ang suspek nga si alyas “Tabo”, 32-anyos , manugpangisda kag residente sang Brgy. Colon, Maasim Sarangani Province.
Suno kay PBGen Placer ginpatigayon ang operasyon sang mga miyembro sang RID 12, Sarangani PIU/PDEU, Regional Intelligence Division (RID 12) Tracker Team Foxtrot, RSOG 12, 2nd SPMFC, kag Maasim Maritime Police Precinct office agud maaresto si alyas “Tabo”
Naaresto ang suspek paagi sa warrant of arrest sa kaso nga other acts of abuse sa idalom sang Section 10 (a) sang RA 7610 nga may ginrekomendar nga bail bond nga nagakantidad sang Php80,000.00.
