Naglab-ot sa walo ka mga matag-as nga kalibre sang armas luthang ang ginsungka sang mga residente sa 1st Mechanized Infantry Battalion sa banwa sang Pandag,Maguindanao del sur.
Ginpangunahan ni Pandag Mayor Mohajeran ” Odjie ” Balayman kag 1st Mechanized Battalion Commander LTC. Jayson Domingo ang pagbaton sang ginsungka nga armas gikan sa (7) ka Barangay kun diin ginpatigayon ang seremonya sa Municipal hall sang Pandag Maguindanao sur.
Kalakip sa mga residente nga nagsungka sang armas sa gobyerno ang gikan sa Barangay Malangit, Barangay Kuyapo, Barangay Lowe Dlag, Barangay Upper Dlag, Barangay Kabuling, Barangay Kayaga kag Barangay Pandag.
Ang Balik Baril Program ang isa sa mga tikang sang gobyerno agud nga mapunggan ang paglatpa sang Loose firearms ukon mga indi lisensyado nga armas nga nakabulig man sa kampanya batuk sa krimen.
Bug-os man ang suporta nga ginpakita sang LGU Pandag sa pagpanguna ni Mayor Odjie Balayman sa Balik Baril Program bangud makabulig ini sa pagpabilin sang kalinong kag katawhayan sa lugar.
