KORONADAL CITY – Wala sang igahatag nga special treatment sa mga kandidato kun istoryahan ang pagtakod sang mga campaign posters nga wala nakabutang sa designated areas.
Ini ang hugot nga paandam ni City Comelec officer Atty. Michael Ignes sa interbyu sang Bombo Radyo Koronadal.
Suno kay Atty. Ignes, hugot nila nga ginapatuman ang nakapagkit sa layi kag wala sila sang igasin-o labi na yadtong wala nagatuman sa insakto nga area nga mahimo butangan sang mga banners, posters, tarpaulins kag iban pa nga campaign materials.
Pagahatagan man nila sang tatlo ka adlaw ang mga kandidato nga kakason ang nasambit nga mga poster kag kun indi pagahimoon ini sang DPWH kag PNP.
Dugang pa ni Ignes, pagasilotan man ang mga kandidato kag supporters nga magatakod sa mga punoan, sandig sa Comelec resolution at election code.
