Bisan pa sa nagaluntad nga tensyon sa Middle East, ginpahayag sang Armed Forces of the Philippines (AFP) nga wala sang plano ang Estados Unidos nga bawi-on ang ila mga military assets nga naka-deploy sa Pilipinas.
Suno kay Rear Admiral Roy Vincent Trinidad, spokesperson sang AFP para sa West Philippine Sea (WPS), wala sang indikasyon nga luyag sang U.S. nga i-withdraw ang mga assets nila sa Pilipinas, bisan pa may mga balita nga gin-withdraw nila ang missile defense systems gikan sa South Korea para i-deploy sa mga base sa Middle East.
Sa karon, ang Pilipinas nagahost sang pila ka high-end military assets sang Amerika, lakip na ang Typhon Mid-Range Capability (MRC), nga may kakayahan maglunsar sang Tomahawk cruise missiles kag SM-6 multi-role missiles. Yari man ang Navy-Marine Expeditionary Ship Interdiction System (NMESIS), isa ka anti-ship missile launcher, kag mga High Mobility Artillery Rocket Systems (HIMARS).
Pahayag pa ni Trinidad, bisan pa sa pagbag-o sang global military priorities, nagpabilin nga stable ang sitwasyon sa lokal nga military landscape sang Pilipinas.
