KORONADAL CITY – Ginpaklaro sang Deped District Head sang Lake Sebu South Cotabato nga wala sang may napatay ukon pilason nga manunundlo bangud sa naeksperiensiyahan nga malapnagon nga pagbaha nga sa bahin sang Sungan River sa Brgy.Kibang,Ned ,Lake Sebu.
Ini ang ginpahayag ni Mr. Esteban Alvarez, District Head sang Lake Sebu 4 District sa eksklusibo nga interview sang Bombo Radyo Koronadal.
Suno kay Alvarez, wala sang manunudlo sa iya nasakupan nga naanod sang tubig baha baliskad sa una nga ginpahayag.
Gindugang pa sini, ang naanod sa Sungan River ang ginkilala kay Rosendo Ablitado, anay PTA officer sang Kibang National High School samtang pilason apang nakaluwas naman ang upod sini nga si Eldon Ruiz nga bana sang isa ka manunudlo.
Kadungan sini, ginpasiguro sang opisyal nga all accounted ang mga personnel nila sa Ned , Lake Sebu kag wala man sang mga kabataan nga naanod sa amu nga lugar sa duha ka adlaw nga pagbunok sang ulan nga nagtuga sang pagbaha.
Ginhatagan man sini sang punto nga ang Sungan River sa bahin sang Brgy.Kibang,Ned ,Lake Sebu ang masami nga ginaagyan sang pila ka mga estudyante nga naga tambong sa face-to-face classes apang wala temporaryo nga ginpaiway anay ang ila nga klase bangud sa baha.
