KORONADAL CITY- Wala sang manunudlo nga napagkit nga nagbackout bilang mga Board of Election Inspector o BEI sa rehiyon 12 kadungan sang May 13, 2019 Election.
Ini ang ginkumpirmar ni Dr. Allan Farnazo, Regional Director sang Department of Education 12 sa interbyus ang Bombo Radyo.
Suno kay Farnazo tanan nga mga napilian nga BEIs ang nagpadulong sa ila designated polling places sa bug-os nga SOCCSKSARGEN Region agud himuon ang ila nga mandato.
Samtang panawagan man sini sa mga botante nga mangin pasensyoso kag ihatag ang kooperasyon kag sundon ang tanan nga instructions sang mga manunudlo agud mangin maayo ang sitwasyon sa pagboto.
Ginpasiguro man sang DEPED nga sa sulod sang 12 oras nga pagboto halin alas 6 sang aga, ginpahanumdom man sa tanan nga mga botante nga indi paghulaton ang last hour agud magpadulong sa polling precincts.
