KORONADAL CITY – Wala sang dapat nga kabalak-an ang mga pumuluyo sa Mindanao sa deklarasyon sang Martial Law ni Pangulong Rodrigo Duterte.
Ini ang ginpahayag ni Office of the Presidential Adviser on the Peace Process Secretary Jess Dureza.
Suno kay Dureza tinutuyo sang deklarasyon nga maprotehiran ang mga pumuluyo kag indi na maglapta pa ang kalakasan sa mga kaiping nga lugar sang Marawi City.
Ginpaathag pa ni Dureza nga may pagkapareho ang deklarasyon sang batas militar sang 2009 declaration ni anay Pangulong Pangulong Gloria Macapagal Arroyo apanag ang kinalain lamang amo nga limitado sa Mindanao ang martial law sadto apang subong sa bug-os nga isla sang Mindanao lakip na ang Basilan, Sulu kag Tawi-tawi.
Dugang pa ni Dureza nga dako ang aspeto sa ginhimo nga pag-atake sang Maute group sa Marawi City nga ginakabig Local ISIS, presensiya sang mga Tausug gikan sa Sulu kag mangin ang mga foreigners nga nakit-an sa engkwentro.
Samtang,suportado naman ni South Cotabato Governor Daisy P. Avance Fuentes ang deklarasyon sang Martial Law sa Mindanao.
Aminado ang gobernadora nga madamo sang mga synmpatisers ang mga Maute sa probinsiya rason nga dapat mangin vigilante ang mga pumuluyo kag magkooperar sa militar kag kapulisan.
