Wala na nagalaum si Vice President Sara Duterte nga makabaton pa sang hustisya ang kaso sang iya amay nga si anay presidente Rodrigo Duterte sa idalum sang kasamtangan nga administrasyon.
Sa isa ka panayam, ginpahayag sang Bise Presidente nga indi na niya makita nga makaangkon sang hustisya kag tama nga proseso ang kaso sang iya amay gikan sa panig sang gobyerno sang Pilipinas bangod sa indi kuno nga ginbuhat nga extraordinary rendition sang administrasyon Marcos sa dating presidente.
Kasunod sini, ginpangabay naman sang bise presidente nga indi na tani ini magakatabo pa sa iban nga Pilipino.
Suno kay VP Sara, ginpahayag sang anay presidente nga siya tigulang na kag bisan ano nga oras mahimo nga mabawian siya sang kabuhi kag ginpabutyag nga kon magakatabo man ini, gusto niya nga magtaliwan sa iya sarili man nga pungsod.
