Hugot nga nanindugan si Vice President Sara Duterte nga indi sia mag-resign bilang ika-duha sa pinakataas nga elected official sang Pilipinas apisar sang mga panawagan nga magbiya na sia sa pwesto matapos sa indi niya pagtambong sa deliberasyon sa House of Representatives may kaangtanan sa proposed P2-billion budget sa 2025 sang Office of the Vice President (OVP).
Matandaan nga ginpakamalaut si VP Duterte ni House Assistant Majority Leader Jil Bongalon bangud sa indi pagtambong sini sa plenary debates natuhoy sa proposed outlay sang OVP sa tuig 2025.
Suno naman kay House Deputy Speaker Jayjay Suarez sang Quezon, ang pag-absent sang Bise Presidente sa mga budget hearings ang wala nagasanto sa iya nga mandatu.
Ginpamatukan naman ini ni Duterte kag gintumod nga indi niya luyag magsabat sa mga bata pa nga mga mamalidha sa Kamara.
