-- ADVERTISEMENT --
Ginpahayag ni Bise Presidente Sara Duterte nga ang iya amay, anay Presidente Rodrigo Duterte, may plano nga ipa-cremate ang iya bangkay kon mag-abot ang tion nga mapatay siya samtang ara sa detention sa The Hague, nagahulat sa kaso niya sa International Criminal Court (ICC).
Ini nga pahayag iya ginpaambit matapos siya magbisita sa iya amay sa ICC detention facility sang Martes.
Suno kay Sara, ginpahibalo siya sang anay Presidente nga indi niya gusto nga dal-on ang iya bangkay pabalik sa Pilipinas kundi luyag niya nga ipa-cremate sa Netherlands, kag ang iya abo lang ang ipabalik sa Pilipinas.
Bisan pa nga indi uyon si Bise Presidente sa iya plano, nagsabat si anay Presidente nga kon indi siya sundon, iya gihapon ini pagahimoon.
