Ginkastigo ni Vice President Sara Duterte ang bag-o nga impeachment complaint batok sa iya nga gin-sumiter sang Bagong Alyansang Makabayan (Bayan), kag ginpahayag niya ini nga “bargaining chip” nga may tuyo nga makialam sa 2026 national budget.
Suno sa Bise Presidente, ang bag-o nga impeachment talk nagapakita sang pamilyar nga pattern nga iya gina-angot sa gin-mentionar nanday Sen. Chiz Escudero, Rep. Toby Tiangco, kag iban pa nga mamalidhan sang Pebrero 2024, kun sa diin ang mga nakolekto nga pirma angot sa iya impeachment ginbaylo sa budget allocations.
Gindugang sang Bise Presidente nga preparado siya magsabat sa bisan ano nga alegasyon base sa kamatuoran, apang indi siya magapungko lang samtang gina-usar ang isyu para sa budget-driven nga racket.
Samtang, suno kay Bayan chair Teddy Casiño, plano nila isumiter ang bag-o nga complaint sa masunod nga tuig, nga nagatutok sa gina-alegar nga pag-abuso sa confidential kag intelligence funds sang Office of the Vice President kag Department of Education.
