Gin-anunsyo ni Vice President Sara Duterte nga magadalagan siya bilang Presidente sang Pilipinas sa madason nga piniliay.
Suno kay Duterte, “I offer my life, my strength and my future in the service of our nation… Mga kababayan, ako si Sara Duterte, tatakbo bilang pangulo ng Pilipinas.”
Ang anunsyo ginpagwa sa tunga sang mga kontrobersiya, lakip na ang tatlo ka impeachment complaints nga nakasampa batok sa iya sa House of Representatives, nga kontrolado sang mga kaalyado ni Pangulong Ferdinand Marcos Jr.
Madumduman nga sang nagligad ginlunsyar sa Cebu ang “Tatay Digong for Inday Sara Movement 2028,” nga nagapangayo sang suporta para sa iya kandidatura kag nagapakita sang pagpasidungog sa pamunuan sang iya amay, si anay Presidente Rodrigo Duterte.
Sa pihak sang mga pag-hangkat, nagpabilin nga mataas ang pangalan ni Duterte sa mga survey bilang isa sa mga frontrunners para sa halalan.
Ang iya kandidatura ginalauman nga magdala sang mabaskog nga laban sa politika, ilabi na sa tunga sang mga kaso nga gina-atubang sang iya amay sa International Criminal Court (ICC).
