Nagatubo ang legal nga proseso sa impeachment complaints batok kay Vice President Sara Duterte matapos imbitahon sang House Committee on Justice ang Bise Presidente nga magtambong sa hearing sa Marso 25.
Suno sa lihok sang komite nga ginpangunahan ni Batangas 2nd District Rep. Gerville Luistro, ginpadala ang pormal nga imbitasyon kag ginlaragway ang mga reklamo nga nagalakip sang alegasyon nga betrayal of public trust kag culpable violation of the Constitution.
Sa pihak nga bahin, ginpahanumdom sang komite nga boluntaryo lamang ang pagtambong kag wala sang puwersa nga ginapatuman batok sa Bise Presidente.
Samtang, suno kay Atty. Michael Poa, isa sa mga abogado ni Duterte, wala pa ini natalakay kun magaatubang ukon indi ang Bise Presidente sa nasambit nga hearing.
