Gilayon nga gin-athag ni Vice President Sara Duterte nga natabuan lamang kag wala ginhungod ang pagbiya sang iya pamilya padulong sa iban nga pungsod sa kasagsagan sang bagyo kag habagat.
Suno sa bise presidente, natalana na ang ila nga paglakat antes pa man ang pagbaha nga naeksperiensiyahan tuga sang malain nga paniyempo
Sa pagkamatuod, may travel authority siya nga ginpaguwa sang Office of the President sang Hulyo 9, 2024.
Ginpasiguro man sini nga apisar nga wala siya sa pungsod, nagahulag ang iya nga talatapan para mabuligan ang mga apektado sang kalamidad.
“The timing of the trip coinciding with Typhoon Carina is unfortunate. Nonetheless, the Disaster Operations Center of the OVP, institutionalized by the Vice President, is always ready to assist families affected by calamities.”
Nagpasalamat man ini sa publiko bangud sa pagrespeto sa iya nga privacy kag sa mga miyembro sang pamilya sini.
