KORONADAL CITY– Ginbisita ni Vice President Leni Robredo ang pila ka mga banwa sa probinsya sang South Cotabato kadungan sa pagpanginwala nga wala ini nagapangampaya kag wala sang plano nga magpapili nga pangulo sa tuig 2022.
Nahibaluan nga gintambungan sang ikaduha nga presidente ang nagkalain lain nga mga aktibidad kun sa diin suno kay Lake Sebu South Cotabato Mayor Floro Gandam, una nga ginpadulungan ni Robredo ang Brgy. Klobi sang nasambit nga banwa agud bisitahon ang mga kababaihan nga nagahimo sang Tnalak Cloth.
Nahibaluan nga ang T’nalak cloth ay ginbansagan nga world class nga tela bangud ginahabi ini base sa mga nadamguhan nga mga pattern sang National Artist nga si Be Lang Dulay kun sa diin ginpasa sini ang iya abilidad sa mga kababaihan halin sa T’boli tribe kag sila ang ginbansagan nga mga Dreamweavers.
Kaangot sini luyag i promote sang bise presidente ang mga produkto nga ginhimo sa indigenous materials sang mga lumad partikular na ang grupo sang mga kababaihang nga nagahabi sang T’nalak cloth.
Samtang ginpadulungan man sini ang banwa sang Tampakan kag Polomolok, South Cotabato para sa turnover ceremony sang pila ka mga buluthuan kun sa diin ginsabat man ni Robredo ang palamangkutanon kun may plano ini magpadalagan sa pagka presidente sa 2022 apang iya pahayag nga wala pa kag madamo sang sarang matabo sa sulod sang pila ka tuig.
