KORONADAL CITY– Magasugod na subong nga adlaw Hulyo 4 tubtob 23, 2022 ang pagparehistro sang mga botante nga luyag maka boto sa palaabuton nga Barangay kag Sangguniang Kabataan elections.
Suno sa Commission on Elections (Comelec) mahimo na maka pa rehistro ang naga edad 15 anyos pasaka ukon maga edad 15 antis ang adlaw sang piniliay sa Disyembre 5 agud makaboto ang mga ini sa piniliay sa SK.
Ang mga wala naman maka hingagaw sa pag pa rehistro sang nagligad nga tuig ang sarang man maka pa rehistro agud makaboto sa piniliay sa Barangay. Bukas ang Comelec alas 8 sa aga tubtob alas 5 sa hapon, Lunes tubtob Sabado.
Ginapanugyanan sang ahensiya ang mga kabataan kag iban pa nga luyag magpa rehistro nga indi na paghulaton ang deadline agud malikawan ang pagdinaguso.
