Volcanic tremor sang Bulkan Taal naglawig sa 10 oras masobra – PHIVOLCS

Naglawig sang 10 ka oras kag 30 minutos ang ‘volcanic tremor’ sa Bulkan Taal sa Batangas kahapon nga adlaw suno sa Philippine Institute of Volcanology and Seismology (PHIVOLCS).

Suno kay PHIVOLCS Director Dr. Teresito Bacolcol, nangin kalmado ang Bulkan Taal subong nga adlaw sang Domingo kun ikumprar sang nagligad nga mga inadlaw bangud wala ini sang phreatic ukon phreatomagmatic eruption sa nakaligad nga 24 oras.

Sa pihak sini, ginpahayag ni Bacolcol nga posible sa gihapon matabo ang phreatic eruption ukon phreatomagmatic eruption sa Taal Volcano, gani ginadumilian ang pagsulod sa Taal Volcano Island—nga ginakabig nga Permanent Danger Zone.