Gin-athag ni Vice President Sara Duterte nga wala pa sia sang plano nga mag-endorso sang Senate slate para sa 2025 midterm elections bangud nga nagatutok pa sia sa pagdepensa sa Office of the Vice President.
Apang gintumod man ni Duterte nga amo ang nagapamuno sang regional party nga “Hugpong ng Pagbabago”, nga wala man niya ginasiradhan ang posibilidad nga magaendorso sia sang pila ka mga Senatorial candidates sa masunod nga tuig.
Una na nga ginpahayag sang Bise Presidente nga tatlo ka mga Dutertes kalakip na ang iya amay nga si anay Presidente Rodrigo Duterte, subong man ang iya mga utod nga sanday Paolo kag Sebastian ang mapadalagan bilang Senador sa 2025.
Sang ginpamangkot naman kon madayon pa ang nasambit nga pagpadalagan, ginsabat ini ni Duterte nga wala sia makahibalo kag nabatian lang niya ini sa ila mga grupo.
