KORONADAL CITY- Ginpatigayon ang preliminary hearing sang reklamo nga ginsang-at ni Vice Mayor James Cagas batuk kay Mayor Leonardo Excobillo sa banwa sang Tampakan South Cotabato kaangot sa suno pa pag-usar sang pondo sang gobyerno sa iya nga Boracay trip kaupod ang asawa kag 2 ka babayi nga job orders.
Ginpangunahan ni Board Member Cecil Diel chairman sang Committee of the whole sang Sangguniang Panlalawigan sang South Cotabato ang hearing sa kasod nga grave abuse of authority nga ginapangatubang ni Escobillo.
Suno kay Vice Mayor Cagas, mabakod nga ebidensya ang uyat sini kag indi suno pa makalusot si Mayor Escobillo bangud dako ang palanabton sa mga pumuluyo sang Tampakan.
Nag-ugat ang reklamo sang bise alkalde makaligad nga mag request sang reimbursement si Mayor Excobillo sa iya nga Boracay trip sang Pebrero 2017 kun sa diin kaupod sini sa byahe ang iya asawa kag 2 ka job orders.
Gin-insister ni Cagas nga sang nagluntad ang Boracay trip wala sang appointment sa LGU-Tampakan ang 2 ka job orders bangud ginhimuan lamang ini sang alklade sangg nabuyagyag na kag nakaangkon sang quetion hour sa Sangguniang Bayan.
Dugang pa ni Cagas nga kun matuod nga may appointment ang 2 ka job orders sa ano nga pamaagi suno pa naka avail gilayon ang mga ini sang benepisyo nga lunsay mga regular employee lang ang dapat nga magbaton.
Wala naman nagtambong sa ginpatigayon nga hearing si Escobillo kag sa baylo ginpadala lang sini ang iya abogado nga si Atty. Alessandro Crespo.
Nagpanindugan naman si Cagas nga indi politically motivated ang ginsang-at nga formal complaint batuk kay Escobillo.
