Gusto mo bala magniwang nga indi na kinahanglan mabalhasan ukon magkadto pa sa gym?
Sa Massachusetts Institute of Technology sa Amerika, naka-imbento ang mga researchers sang vibarting pill ukon ang Vibrating Ingestible BioElectronic Stimulator (VIBES) nga capsula kag sarang makapabusog sa tawo apisar nga wala may ginakaon.
Nagapati naman ang mga ini nga ang ila naimbento nga capsula ang mas barato kag non-invasive option sa pagbulong sang obesity kag iban pa nga weight-related illnesses.
Ang stretch receptors sa tiyan ang nagahatag sang signal sa utok matapos magkaon, para mabatyagan sang isa ka tawo nga busog na ini, pinaagi sa vibration sang capsula gina-activate sini ang mga receptor sa tiyan nga sarang maghimo sang ilusyon nga makabatyag sang kabusogon.
Pagkatapos sang iya pag-function sa sulod sang tiyan, magagwa ini sa lawas sang tawo sa sulod sang 4 tubtob 5 ka adlaw.
Mahimo naman nga tumaron ang VIBES pill sa wala unod nga tiyan ukon 20 tubtob 30 minutos antes magkaon.
