Nagpabutyag ang isa ka vendor sang iya reaksyon bahin sa ginaduso nga Anti-Political Dynasty Bill sa Kongreso.
Sa interview sang Bombo Radyo Koronadal, ginpahayag ni Julie Ortiso, isa ka vendor, nga pabor siya sa nasambit nga hagna.
Suno sa iya, ini nga hagna amo ang isa ka paagi agud matapna ang pagpadayon sang mga pamilya nga dugay na nagadumala sa gobyerno.
Gindugang pa ni Ortiso nga nagadugang sang kalain-lain nga kinagamo sa politika ang mga pamilya nga nagapadayon sa gahum, bangud nagafokus lang sila sa ila personal nga interes, imbes nga sa kaluwasan kag seguridad sang publiko.
Bangud sini, nagpanawagan siya sa mga nagapang-gobyerno nga itugyan na ang oportunidad kag gahum sa mga bag-o nga lider nga may kapasidad kag tinguha nga magserbisyo sa katawhan kag sa pungsod.
