Padayon sa subong ang imbestigasyon sa nagluntad nga sunog sa isa ka operating room sang Medical University Hospital sa Japan nga gintunaan sang pagkasunog sang isa ka pasyente.
Suno sa report, nagluntad ang sunog samtang nagapatigayon sang operasyon sa isa ka pasyente nga babaye nga nagaedad sang 30-anyos sang hinali na lamang ini nga nag-utot.
Ang utot suno pa sang nasambit nga babaye ang nagtuga agud magkalayo ang surgical laser nga ginagamit sa iya nga operasyon.
Nagresulta ini sa pagkasunog sang pasyente kag nakaangkon ini sang madamo nga paso sa iya nga lawas.
Nahibaluan nga ang utot ang nagaangkon sang flammable gases nga amo ang ginatudlo nga rason sang sunog.
Samtang, nahibaluan sa ginpatigayon nga inisyal nga imbestigasyon nga wala sang flammable materials sa sulod sang operating room sang magluntad ang insidente kag wala sang guba ang mga mga equipment nga gingamit sa operasyon, rason nga dako ang posibilidad nga ang utot gid suno pa sang pasyente ang gintunaan sang sunog.
Rason nga pahanumdum sa tanan nga kun nagapaidalom sa surgery ukon malapit sa mga kalayo indi magpangutot agud malikawan ang sunog.
