Masami mabatian ang mga tinaga nga “drink moderately” para makalikaw sa ano man nga inaway ukon aksidente kon halin sa ilimnan.
Sa Vietnam, isa ka lalaki ang nadalahig sa rambol sa isa ka ilimnan sa diin gindala siya sa hospital kag wala man sang may nakit-an nga malala nga pilas.
Subong man, pagkatapos sini, ginsiling sang lalaki nga lima ka bulan na nga nagasakit ang iya ulo, indi makakita kag may nagatulo nga discharge fluid sa iya ilong.
Sang nagpaidalom siya sa CT scan, natukiban nga may duha ka utod nga chopstick nga nagabalabag halin sa iya ilong dangat sa iya utok.
Una na ginsiling sang lalaki nga wala siya sang may nadumduman kon paano nakasulod ang chopstick sa iya ulo, pero sang ulihi, nagsulod sa iya pinsar ang natabo sadto sa diin nadalahig siya sa rinambol sa ilimnan.
Nangin madinalag-on ang operasyon kag estable na ang kondisyon sang lalaki.
