Nagdangat na sa P17 trilyon ang kabug-usan nga utang sang pungsod.
Suno sa Bureau of Treasury (BTr), ang nasambit nga numero na-rekord sang Hunyo, kag ini nga pagtaas tungod sa mataas nga local borrowing agud masabtan ang ginatawag nga fiscal shortfall.
May na-rekord nga 2.1 porsyento nga kada bulan nga pagtaas sang utang sang pungsod hasta nga naglab-ot ini sa P17.27-T nga bag-o nga record high.
Gindugang pa sang BTr nga sa pagsugod sang tuig, ang utang nagtubo sang 7.6 porsyento ukon P1.2 trilyon.
Base sa datos sang ahensiya, ang domestic borrowing nagtubo sang 1.4 porsyento ukon P11.95 trilyon.
Samtang ang external debt nagtubo sang 3.5 porsyento ukon P5.32 trilyon.
Ginpahayag naman sang BTr nga bisan pa nga nagtubo ang utang, nagapadayon gihapon nga sustainable ang gobyerno.
