Ginpasugtan ni US President Joe Biden ang Ukraine nga gamiton ang long-range missiles nga ginhatag sang Amerika para sa pag-atake sa Russia.
Ginkumpirma ini sang isa ka US official nga isa ka madako nga pagbag-o sa polisiya sang Estados Unidos.
Sang tinalkdan nga bulan nakig-angot si Ukraine President Volodymyr Zelensky sa Amerika agud tanggalon na ang restriksiyon sa paggamit nila sang missiles nga ginatawag nga Army Tactical Missile System (ATACMS) nga magahatag sa permiso sa Kyiv nga atakehun ang yara sa gwas sang ila borders ukon sulod sang Russia.
Ang nasambit nga long-range missiles kayang nga maglab-ot tubtob 300 km ukon 186 miles.
Suno naman sa wala ginapangalanan nga US official, ang pag-apruba ni Biden sa paggamit sang nasambit nga missiles ang bilang sabat sa desisyon sang Russia nga sugtan ang mga suldado sang North Korea nga magyera kontra sa Ukraine.
