Ginatun-an na subong ni US President Donald Trump ang pagtuon sang mga military options batok sa Iran.
Ini nagasunod sa nangin marahas nga mga tikang sang gobyerno batok sa mga nagpatigayon sang mga kilos-protesta. Sa nagligad nga mga adlaw, gin-briefing na ang US President nahanungod sa posible nga pangsulod sang Estados Unidos.
Suno sa White House, ginpresentar sa iya sang mga security team ang pila ka mga opsyon nga nakasentro sa pag-target sang mga security services sang Iran. Ginabantayan karon sang US nga ang ila pagsulod sa Iran mahimo nga mag-backfire sa ila kag makaguba sa ginapangabudlayan sang mga protesters.
Ang nasambit nga mga opsyon amo ang mga pamaagi agud mabuligan nila ang mga nagahimo sang mga kilos-protesta.
Una na ginpahayag sang gobyerno sang Iran nga ang bisan ano nga pagsulod sang US magatuga sang negatibo nga mga resulta.
