-- ADVERTISEMENT --
Ginpangabay sang US queen of pop nga si Madonna si Pope Leo XIV nga magbisita sa Gaza.
Sa iya social media account, nagsiling siya nga ang Santo Papa lang ang indi mapunggan nga makasulod sa Gaza.
Importante nga maghatag sang kasanag si Pope Leo sa mga kabataan.
Ang iya pahayag nag-abot kasunod sang kabalaka sang mga pungsod nga United Kingdom, European Union, Australia, Canada kag Japan tungod sa sobra nga gutom sa Gaza nga nagadala sang kamatayon sang madamo nga kabataan.
Dugang pa ni Madonna, bilang isa ka iloy, indi niya mabaton nga makita nga madamo nga kabataan ang nagakapatay tungod sa gutom.
Madumduman nga makadamo na ka beses nga nagapanawagan ang Santo Papa para sa isa ka permanente nga ceasefire sa Gaza.
