Gin-anunsyar ni US President Donald Trump nga ginbomba sang US military ang Kharg Island sa Iran, apang ginpahayag niya nga wala gintarget ang oil infrastructure sang isla.
Suno kay Trump, pormal na nga natapna ang tanan nga military targets sa isla, lakip na ang air defense, naval base, airport control tower, kag helicopter hangar.
Wala ginpahayag ni Trump ang eksakto nga rason sa likod sang operasyon, apang naghatag siya sang pagpaalinton nga magahimo sang dugang nga aksyon batok sa oil infrastructure sang Iran kun ipadayon sang Iran ang pagpabalag sa mga barko nga naga-agi sa Strait of Hormuz.
Ang Kharg Island ang isa ka importante nga bahin sang ekonomiya sang Iran sa diin 90 porsyento sang ila oil exports ang nagalabay.
Suno sa mga report halin sa news agency nga konektado sa Islamic Revolution Guards Corps (IRGC), may masobra sa 15 ka pagsabog ang nabatian sa isla samtang nagapadayon ang pag-atake sang Amerika.
Apang, base sa mga datos sang Iranian state media, wala sang damage nga narekord sa oil infrastructure sa Kharg Island.
Ginpahayag sang mga otoridad nga nagapadayon sila sa proteher sang ila mga critical installations ghalin sa posible nga mga pag-atake.
Nagapadayon ang tensyon sa rehiyon matapos ang mga insidente sang agresyon sa Strait of Hormuz, nga isa ka importante nga shipping lane para sa international trade.
