Magabulig na ang mga imbestigador sang US sa pagtibusok sang eroplano nga nagdala sang mga pasahero sa South Korea nga nagresulta sa kamatayon sang 179 ka mga tawo.
Suno kay Joo Joong-wan, ang opisyal sang transport ministry, nga nakarekober na sila sang flight data kag cockpit voice recorder sang eroplano.
Didto mahibaluan ang pinakasanhi sang aksidente nga ang inisyal nga rason amo ang bird strike.
Magakapasarado ang runway sang airport tubtob Enero 1.
Nagkadto na man sa lugar sang hitabo sa South Korea ang acting president nga si Choi Sang-mok kon sa diin ginpasalig niya nga himuon nila ang tanan nga ila mahimo AGUD buligan ang mga biktima.
Indi man malikawan nga mangakig ang mga pamilya sang mga biktima nga nagkadto sa lugar kag nangakig sa mahinay nga pagresponde sang mga otoridad.
Tungod sa insidente, nagdeklarar ang gobyerno sang South Korea sang pito ka adlaw nga pambansang pagpangasubo.
Madumduman nga ang Boeing 737-800 nga Jeju Air Flight 2216 nga naggikan sa Bangkok, Thailand, nagtibusok sa Muan airport matapos ang bird strike kag malain nga panahon.
Nagpangayo na man sang pasaylo ang Jeju Air sa mga pamilya sang mga biktima.
