Kumpiyansa si US President Donald Trump sa iya pagpakig-angut sa China sa Switzerland sang Sabado ,kun sa diin gin-isturyahan sang duha ka pungsod ang isa ka “total reset” may kaangtanan sa mga isyu nga ila ginaatubang.
Gindayaw pa ni Trump ang mga paghinun-anon bilang mahapos kag patas.
Sa iya post sa Truth Social, nagsiling siya: “GREAT PROGRESS MADE!!!” nga nagapakita sang iya pagkalipay sa resulta sang ila pag-isturya, bisan pa wala niya ginpahayag ang mga detalye sang mga ginsugtanay.
Antes pa ang pagpakigpulong sa Switzerland, una na nga nagtipon ang mga opisyal sang China kag US sa Geneva, Washington, nga may tinutuyo nga pamag-anon ang trade war sa tunga sang duha ka pungsod nga nagresulta sang daku nga epekto sa kalibutanon nga ekonomiya.
Bisan pa nga wala pa sang opisyal nga pahayag parte sa mga napalabutan sa isturya, ginselebrar ni Trump ang pag-uswag sang ila negosasyon.
