Nagapanguna sa kampanya batok sa human trafficking ang US Embassy sa Manila.
Halin Marso 24 tubtob 28, nag-host ang gobyerno sang Estados Unidos, paagi sa Defense Threat Reduction Agency (DTRA), sang maritime security training agud mapabaskog ang kapasidad sang gobyerno sang Pilipinas sa pagbatok sa mga delikado nga kemikal, biological, radiological, kag nuclear (CBRN) nga mga materyales.
Sa ginpatigayon nga Targeting and Risk Management Workshop sa Manila, ginsanay sang mga facilitators halin sa Philippine Office for Transportation Security (OTS) ang 35 ka representante halin sa nagkalain-lain nga ahensya sang gobyerno sa pag-ila kag pag-untat sang iligal nga barko kag kargamento.
Lakip sa training ang mga “train-the-trainer” nga aktibidad agud mapadayon ang mga hakbang sa seguridad kag matapna ang kakulangan sa maritime operations kag doctrinal practices.
Ang mga partisipante naghalin sa iban-iban nga ahensya pareho sang Department of Trade and Industry, Department of Transportation, Bureau of Customs, Philippine Ports Authority, Maritime Industry Authority, Philippine Coast Guard, Philippine Navy, kag Philippine National Police Maritime Group.
Nagpasalamat si Director Jose S. Embang, Jr. sa Defense Threat Reduction Agency sa ila suporta nga nagbulig sa Pilipinas nga mapaayo ang mga pamaagi sa pagresponder sa mga posible nga delikado nga materyales sa mga pantalan.
Ginapabaskog sang workshop ang kooperasyon sang U.S. kag Pilipinas para sa seguridad kag pag-uswag sang rehiyon sang Indo-Pacific.
