KORONADAL CITY -Ginabulubanta nga pito ka milyon ka pesos ang kabug-usan nga damyos nga ginbilin sang ginhimo nga pagsunog sang container van sang ginapatihan ngaa mga rebelde nga NPA sa Sitio Flortam, Barangay Batasan, Mangilala, North Cotabato.
Ginpahayag ni SFO2 Direck Kinazo sang BFP Makilala, yara sa masobra 10 ka mga armado nga kalalakihan ang nagbalabag sa nasambit nga container van kag gintayaan sang armas ang driver nga si Toto Dilayro Omar, 48 anyos nga residente sang Paglas Maguindanao kag ang mga kaupdanan sini kag ginpapanaaug sa container van.
Matapos nga ginpapanaog, ginbuhusan suno pa sang gasolina kag ginsindihan ang container van tubtob nga nagkalayo ini kag tigayon nga nasunog kalakip na ang mga produkto nga saging.
Gilayon naman nga nagpalagyo ang mga rebelde sang mahibaluan nga magaresponder na ang pwersa sang 39th Infantry Battalion Philippine Army kag kapulisan kag wala na nasakit pa ang drayber sang container van.
Sa subong, nagapadayon pa ang hot pursuit operation sang mga otoridad sa mga armado nga kalalakihan.
Kadungan sini, nag-apela naman ang Paglas Banana Plantation sa Sitio Flortam, Barangay Batasan, Makilala, Cotabato nga madakpan ang mga suspek kag mapasakaan sang nagakaigo nga kaso.
