KORONADAL CITY – Naglab-ot sa lima ka mga Sitio ang nangin apektado sang massive landslide nga nagluntad sa Bagumbayan, Sultan Kudarat.
Ini ang ginkumpirmar ni Ms. Richie Salazar, MDRRMO III sang Bagumbayan, Sultan Kudarat sa interview sang Bombo Radyo Koronadal.
Suno kay Salazar ang mga apektado nga lugar ang ginalakipan sang Sitio Quarry, Sitio Maranatha, Sitio Slatan at Sitio Malipayon nga lunsay sakop ng Barangay Chua sa nasambit nga banawa.
Nagluntad ang landslide matapos ang asod-asod nga pagbuhos sang ulan kun diin may isa ka balay ang natabunan samtang may masobra napulo pa nga nagkalaguba.
Bangud sa pagkatiphag sang duta natabunan man ang dalan nga giinaagyan sang mga motorista gikan sa Barangay Poblacion padulong sa Barangay Masiag nga nagtuga sang pagka-stranded sang ginatos ka mga motorista.
Gilayon naman nga nagpatigayon sang clearing operation ang mga heavy equipment apang indi sa gihapon maagyan sang four (4) wheeled vehicles ang dalanon.
Sa inisyal nga pagbulubanta sang MDRRMO yara sa 15 ka ektarya ang kalaparon sang landslide.
Nagapadayon man ang assessment sang mga otoridad ilabi na nga delikado pa ang area sa diin nagluntad ang pagkatiphag sang duta.
