TBOLI, SOUTH COTABATO– Tuman ang pagpangasubo sang mga himata sang pamilya Ayupan nga nalakip sa 34 ka mga biktima sang pagkahulog sang forward truck sa Brgy. Lamsalome, Tboli, South Cotabato sang Martes sang aga.
Sa interbyu sang Bombo Radyo Koronadal sa isa sa mga himata sang mga biktima, yara sa kritikal nga kondisyon sa karon ang bata nga si Dave Ayupan samtang patay naman ang mga ginhikanan sini nga sanday Fanny kag Randy Ayupan kag utod nga si Regie.
Hingyo naman sang mga himata ni Dave nga kuntani bisan siya na lamang makaluwas sa nasambit nga aksidente makaligad napatay na ang ginhikanan sini kag utod.
Sa karon nagsaka na sa 21 ang patay bangud sa 20 isa ang nagadala sa 34 ka mga sakay sang forward truck kun sa diin kadamuan sa mga buhi ang yara sa kritikal nga kondisyon.
