KORONADAL CITY – Dead on the spot ang isa ka bag-o piyansa nga preso samtang dead on arrival naman sa hospital ang isa ka babaye nga panibag-o nga mga biktima sang shooting incident sa siyudad sang Koronadal nga nagluntad sa Gensan Drive atubangan sang talatapan sang LTFRB alas-12:30 subong gid lamang nga udto.
Ginkilala ang mga biktima nga sanday Violybeeth Guialudin, 44 anyos residente sang Agdao, Davao City kag Manny Alvarez Diaz, 53 anyos nga residente sang Dasmarinas, Cavite nga bag-o lamang nahilway sa presuhan matapos nga makapiyansa.
Sa eksklusibo nga interbyu sang Bombo Radyo Koronadal kay Nanay Violeta, iloy ni Violybeeth, ang bata sini ang nagproseso sang bailbond ni Manny rason nga upod sila nga nagikan sa police station kag nagsakay sang tricycle agud magkaon.
Sa separar naman nga interview sang Bombo Radyo Koronadal kay alyas Bonbon, drayber sang tricycle nga nasakyan sang mga biktima, nagsakay ang mga ini gikan sa Police Station padulong sa Gaisano Grand Mall Koronadal apang wala ini makatalupangod nga may nagasunod sa ila.
Nakibot na lamang suno pa ini sang gintiro na sang ginapatihan riding-in-tandem suspects nga nakabonet ang babaye nga nakasakay sa likod sang tricycle kag ginsunod ang lalaki nga yara sa sulod.
Suno kay alyas Bonbon, wala pa makuntento sa pagtiro sang makapila ka beses ang suspek sa mga biktima bangud ginsundan pa sini sang ginhana na nga dal-on sa hospital.
Nahibaluan nga si Manny ang isa anay sa 3 ka mga nadakpan nga Budol-budol suspect kag ginaaligar nag-bribe sa kapulisan.
Sa subong, nagapadayon ang imbestigasyon sang mga otoridad sa nagluntad nga insidente.
