KORONADAL CITY-Mayorya numero sang mga nagtaliwan sa SOCKSARGEN amu ang indi bakunado ukon unvaccinated individuals bangud kadam-an sang mga ini ang naka-ekperyensya sang severe nga epekto nga dala sang pagkalaton sang Covid-19.
Ini ang nangin pahayag ni Ms. Hannah Ebeo, South Cotabato Health,Education and Promtion Officer. Suno sa iya sa kabug-usan nga numero nga napagkit sang ila nga monitoring, naga pabilin sa gihapon nga madamo ang napagkit nga napatay sang makalalaton nga balatian nga indi bakunado.
Dugang pa sini, matoud gid man nga mahawa sa gihapon ang mga bakunado , apang mahimo nga mild gid lamang ini kun ikumpara sa mga indi bakunado nga mahimo mangin severe ang epekto nga ila maeksperyensyaran.
Ginpaathag man sini nga may ara gid man sang napatay sa bakuna apang ang amu nga mga persona ang napatay bangud severe na ang ila nga balatian nga daan kag INDI bangud sa bakuna. Ginpaklaro man sini nga indi bulong sa TANAN nga balatian ang Covid-19 vaccine, apang isa ka protekstyon sang isa ka persona sa mga epekto nga dala sang Covid-19.
