Gin-insister ni Senador Joel Villanueva, chairman sang Senate committee on labor, employment, kag human resources development, nga ang unemployment kag underemployment isa sa mga mabug-at nga problema sang pungsod.
Bisan pa man nga nagbuhin ang porsyento sang mga wala sang trabaho sa 3.1% sang Hunyo halin sa 4.1% sang Mayo 2024.
Ginpahayag sang opisyal nga bisan magbuhin ang mga wala sang trabaho, importante gihapon nga tan-awon ang underemployment nga nagataas halin sa 9.9% nga nagin 12.1%.
Ang nagapanguna nga problema diri amo ang job-skills mismatch kag kalidad sang trabaho, kon sa diin ang iban nga mga trabaho temporaryo lang ukon contractual.
Kaangot sini, ginpahayag niya nga kinahanglan nga tutukan sang gobyerno ang pagresolba sini agud matubag ang mga kinahanglanon sang mga empleyado.
Sa pihak nga bahin, isa sa mga ginahingyo nga layi sa Senado amo ang enterprise-based education and training (EBET) framework act nga nagtumong sa pagpalambo sang kapasidad sang mga manggagawa paagi sa training, apprenticeship, kag upskilling.
May yara man mga panawagan sa mga employers nga batunon ang mga K-12 graduates sa trabaho, labi na kon kaya sang mga aplikante ang klase sang trabaho nga ila pagatrabahoon.
