Ginpahayag sang Land Transportation Franchising and Regulatory Board (LTFRB) nga pahanugutan nila maka-operate ang Unconsolidated Jeepneys kag UV Express Units sa 2,500 ka rota nga may manubo nga unit nga nakapaconsolidate.
![](https://img.bomboradyo.com/koronadal/2024/07/jeep.jpeg)
Suno sa LTFRB Board Resolution No. 53 series of 2024, ang unconsolidated public utility vehicles ang indi kinahanglan mag file para sa consolidation apang subject sa gihapon sa approval sang Local Public Transport Route Plan ukon Route Rationalization Plan.
Nasaad man sa resolution nga ang authority to operate ang ihatag sa PUJ kag UV sa low consolidated routes apang dapat ang ila units ang na rehistro sa LTFRB kag may balid personal passenger accident insurance coverage.
Pila sa mga rota nga may manubo nga number of consolidations amo ang Westers Visayas nga may 259 ka rota, Central Office nga may 105, Metro Manila nga may 139, Cordillera nga 669, Ilocos 161, Cagayan 156, Central Luzon 84, Calabarzon 216, Mimaropa 175, Bicol 382, Central Visayas 64, Eastern Visayas 124, Zamboanga 79, Northern Mindanao 25, Davao 34 kag Caraga nga may 78 ka rota.
Ginpahayag naman sang transport group nga PISTON nga tungod sa wala untat nga pagrally protesta kag strike, rason nga nangin madinalag-on ang ila kawsa.
Sa karon, ginapanawagan naman sang PISTON ang pagbasura sang modernization program sang gobyerno kag ang implementasyon sang “a progressive, nationalist, and people-centric public transport system.