Una nga Vin d’Honneur nakatalana sa Enero 11- PCO

Nakatalana sa palaabuton nga Enero 11 ang una nga Vin d’Honneur sa sini nga tuig.

Ang nasambit nga tradisyonal nga Vin d’Honneur ang masami nga ginatambongan sang mga diplomatic corps kag mga lider sang pungsod.

Duha ka beses ini ginapatigayon sa isa ka tuig, ang una amo sa pagumpisa sang bag-o nga tuig kag ang ikaduha amo para sa pagdumdom sang Araw ng Kalayaan sang pungsod nga masami nga ginapatigayon sa Malacañang Palace.

Ang Vin d’Honneur ang halin sa tradisyon sa Pransiya nga ang kahulugan amo ang “wine of honor”.

Sang nagligad nga Hunyo nga Vin d’Honneur, ginhatagan importansya ni Presidente Ferdinand Marcos Jr ang pag-uswag sang ekonomiya nga may dako nga benepisyo sa mga ordinaryo nga Pilipino.